Celebrando 60 Aña Di Hospitalidad

Celebrando 60 aña di Hospitalidad Caribense: 1959 – 2019:

Aruba su prome hotel luhoso a celebra su di 60 aniversario diahuebs, 18 di juli, 2019

Basta tempo prome cu Hilton Aruba Caribbean Resort & Casino, e hotel iconico tabatin e nomber di Aruba Caribbean Hotel, y tabata e prome hotel di luho riba e isla di Aruba. E hotel a habri su portanan oficialmente na 1959 y a habri caminda pa turismo riba e isla. Pa hopi aña, Lago Oil Refinery tabata e fuente di empleo principal na Aruba. Pero cu automatisacion den a añanan 50, un gran cantidad di empleado a perde trabou. Pa sostene e economia, a mira necesidad di un industria nobo y e sugerencia di Gobierno mas probabel a bira: turismo.

Pa conmemora su di 60 aniversario, y pa celebra e hotel su progreso como pionero di Aruba su industria di hospitalidad di luho, e resort ta invita guest y local pa participa den 60 dia di celebracion hunto cu famianan y amistad, cu un serie di promocion. Esakinan ta inclui prijsnan special pa kamber, menunan special p’e celebracion den varios restaurant manera Laguna y Sunset Grille e specials den Eforea Spa.

Localnan y bishitante por comparti momentonan inolvidabel den un concurso di fotografia cu ta lansa riba social media diahuebs, 18 di juli. Cargando e tema di “Iconic Legacy”, participantenan por entrega nan recuerdonan inolvidabel pa e chens di gana premionan fabuloso.

E 60 dianan di celebracion tambe ta un tempo pa debolbe. Como parti di su programa di responabilidad social corporativo, colega y lidernan di e resort lo ta restaurando un cancha di basketball den bario di De Vuyst na San Nicolas. E asina yama “Gran Dama”, e hotel tabata diseña pa un di e architectonan Mericano di hotel, Morris Lapidus, kende tambe a diseña hotelnan referencial manera e Fountain Bleu, Eden Roc y Americana. Di e 276 hotelnan diseña pa Morriba Lapidus, esun di e prome hotel grandi na Aruba ta considera un di su mihornan.

Despues di a habri su portanan na 1959, rapidamente ela bira un localidad faborito di celebridadnan famoso. Algun di e guestnan durante añanan tabata, miembronan di Famia Real Hulandes, actor, actriz, cantantenan y mas. For di Reina Beatrix pa Rey Willem-Alexander, Princess Margriet van Vollenhoven, cantantenan manera Harry Belafonte y George Benson, y otro farandulero manera Elizabeth Taylor, Eddy Fisher, Jack Benny, Arthur Godfrey, Xavier Cugat, Abbe Lane, Jan Peerce, Liberace, Natalie Wood, Bob Hope, Roger Moore y Tony Martin.

Guestnan di e hotel por mira e legado celebre aki den un serie di fotografia vintage dentro di e propiedad, como recuerdo di e decadanan pasa, colga riba muraya den lobby y hanchinan y hasta kamber. Asina preservando e nostalgia y combinando e cu tecnologia actual, poniendo balor grandi riba inovacion pa trece e marca special di hospitalidad antiguo tambe den futuro.

Durante e añanan, Hilton Aruba Caribbean Resort & Casino, lo continua e celebracion di su Aniversario di Diamente cu actividad y surpresanan pa tanto local y bishitantenan por disfruta.

 

 E Aruba Growth Fund, a cumpra e propiedad na 2015.

E Aruba Growth Fund t’e prome fondo di accion financiero na Aruba. El a ricibi su fondonan inicial for di Aruba su fondo di pensioen principal y varios compania priva di bon reputacion. E Aruba Growth Fund a cumpra e propiedad na 2015 y a brand e como Hilton. Na december 2016, n’e ceremonia di reapertura, tumando lugar den e lobby renoba, e representante di doñonan Rene Kan, a comparti su vision. Rene Kan a anuncia con anima e ta pa e futuro di e hotel. El a wak’e como e destinacion number uno pa biaheronan pa Aruba. El a wak un lugar caminda coleganan ta bin traha y ta bay cas tur dia cu un sonrisa riba nan cara y un hotel cu un lugar inolvidabel den historia, pero ken su futuro ta un parti integral pa su isla natal.

El a gradici tur hende cu a confia e team di maneho y a priminti pa traha hunto pa crea un experiencia bunita pa cada uno cu bishita e resort y e fabuloso isla di Aruba. Su vision ta intacto ainda. Ya ta mas cu 4 aña cu Hilton Hotels & Resorts, e marca principal di Hilton Worldwide a anuncia e ampliacion di su presencia global pa inclui e Hilton Aruba di 357-kamber, riba e bunita oasis di Palm Beach.

Awe, e compania ta bisa cu Hilton Aruba Caribbean Resort & Casino ta un di e Hilton-nan mas exitoso na mundo y un di esnan cu mas ocupacion den e compania. Den comienso di aña e resort a gana “Hotel of the Year”, drentanto como e prome den e chain su propiedadna. Di su tamaño, operando entre 351 y 750 kamber, den area di America y Caribe. E resort a wordo honra durante e Hilton Leadership Conference na Orlando, reconosiendo e logronan di surpasa expectativa di guest y alcansa metanan financiero. Mas importante, e resort t’e unico riba e isla caminda coleganan tambe tin shares den e hotel inclui den nan pensioen, cu ta inverti y creciendo, den un hotel elegante den localidad principal riba beachnan blanco, yamabdo bahieronan bon bini pa 6 decada na nan destino hotelero popular.

Posted on Jul 19, 2019